АҚШ-тың Өкілдер палатасы шатдаунның алдын алатын жобаны мақұлдады.

Заң жобасы 366 дауыс қарсы 34 дауыспен мақұлданды, деп хабарлайды «Америка дауысы».

Енді Сенат бұл заң жобасын қабылдап, оны қазіргі президент Джо Байденнің қол қоюына жіберуі тиіс. Ақ үй Байденнің АҚШ үкіметінің үздіксіз жұмысын қамтамасыз ету үшін оны қол қойып беретінін мәлімдеді.

Заң жобасы 14 наурызға дейін үкіметтің қаржыландыруын ұзарту, табиғи апаттарға ұшыраған штаттарға 100 миллиард доллар бөлу және фермерлерге 10 миллиард доллар көлемінде қолдау шараларын қарастырады. Сонымен қатар, бұл шаралар мемлекеттік борыш шегін көтеруді қарастырмайды — бұл Трамптың 20 қаңтарда қызметіне кіріспес бұрын шешуге тырысқан күрделі міндеті, деп атап өтеді Reuters.

Шатдаун құқық қорғау органдары мен АҚШ ұлттық парктерінің жұмысына кедергі келтіріп, миллиондаған федералды қызметкерлердің жалақысының төленуін тоқтатуға әкеледі. АҚШ Туризм Ассоциациясы «U.S. Travel Association» үкіметтің жабылуы әуе компанияларын аптасына миллиард доллар шығынға ұшыратуы мүмкін екенін ескертті, отельдердің жұмысы бұзылып, мұның бәрі Рождество маусымында орын алатынын айтты.