Тоқаев Вьетнам басшысын Қазақстанға шақырды.
Нұр-Сұлтан. 15 қараша. KAZAKHSTAN TODAY - Президент Қасым-Жомарт Тоқаев Вьетнам Коммунистік партиясының Орталық комитетінің саяси бюросының мүшесі, Хо Ши Мин атындағы Ұлттық саясат академиясының директоры Нгуен Суан Тхангпен кездесу өткізді, деп хабарлайды Ақорда .
Мемлекет басшысы бүгінгі таңда қазақ-вьетнам қарым-қатынастарының дамып келе жатқанын атап өтті. Президент өткен жылы Вьетнамға жасаған ресми сапарын жылы сезіммен еске алды. Бұл сапар барысында өткен келіссөздер екіжақты ынтымақтастыққа елеулі серпін берді.
Президент Вьетнамды Қазақстанның Оңтүстік-Шығыс Азиядағы негізгі серіктесі деп атады және екі елдің әлеуметтік-экономикалық дамуын заңнамалық қамтамасыз ету бойынша тәжірибе алмасу мақсатында парламентаралық ынтымақтастықты жандандырудың маңыздылығын атап өтті.
Өз кезегінде Нгуен Суан Тханг Орталық комитеттің саяси бюросы мен елдің Ұлттық жиналысы президенттің Вьетнамға сапары кезінде жоғары деңгейде қол жеткізілген келісімдерді жүзеге асыру бойынша белсенді жұмыс істеп жатқанын айтты.
Оның пікірінше, елдер ұқсас көзқарастарға ие және БҰҰ мен СВМДА секілді көпжақты алаңдарда табысты ынтымақтастық жасайды.
Қасым-Жомарт Тоқаев Қазақстанның стратегиялық зерттеулер институты мен Хо Ши Мин атындағы Ұлттық саясат академиясы арасында ынтымақтастық туралы меморандумның қол қойылуын құптады. Ол осы құжаттың бірлескен ғылыми зерттеулерге жақсы серпін бере алатынын атап өтті.
Ол сондай-ақ Вьетнам президенті Лыонг Кыонгты келесі жылы Қазақстанға келуге және сапарын «Астана» халықаралық форумына қатысумен біріктіруге шақырды.